© 2016 GSE

  • Facebook App Icon

October 20, 2019

June 22, 2019

June 20, 2019

March 10, 2019

March 9, 2019

March 5, 2019

March 5, 2019

Please reload

Recent Posts

I'm busy working on my blog posts. Watch this space!

Please reload

Featured Posts

Rosementig - Dorffasnacht :D

February 12, 2018

Wie gseit: am Mentig isches wider früeh losgange - jedefalls für Fasnachtsverhältnis. Abem viertel vor zehni isch gschminkt wurde.

 

Nachem zmittag im Engel hemmer eus dusse ufgstellt und d chind und ihri Eltere wo für de Chinderumzug cho sind mit me churze Stuck z begrüesse. De ganz Tag scho het s Wetter vo sosolala uf chalt und nass und wider zrugg gwechslet.


Aber chum simmer losgloffe het sich de Himmel vonere ganz andere site zeigt und mer sind mit Sunne ide gsichter is Oberdorf uegloffe.

 

 

Wie chönnts au andersch sii: Chum simmer ide Turnhalle acho hets wider afah regne. Aber das isch eus egal gsi.

 

Dinne im trochne - aber dank em fraueverein ned ufem trochne - hemmer gwartet bis alli ihres Plätzli gfunde hend und denn hemmer nomol churz gspillt.

 

Aschlüssend simmer is Altersheim witerzoge. Det hemmer alli zerscht mol mit me Ständli begrüesst. Am Schluss vo dem churze Uftritt hets sogar afoh hagle. Das isch aber ned de einzig Grund gsi um schnell inezgah: Wie immer sind mir herzlich empfange wurde mit Drinks und feine selber bachte Köschtlichkeite.

 

 

Natürlich het au d Stimmig ned gfehlt. Zu altbekannte Lieder wie "Über de Gotthard flüged d bräme" und em Ständli über de Frau Meier ihri Unterhose hend mir mitgsunge, mitgschunklet und Polonaise dur de ganzi Saal gmacht.

 

 

Als nöchschts isch de Mäscheliball cho. Det hemmer zerscht mal im Zelt gschpillt bevor denn alli mit eme Mäscheli usgrüschtet worde sind.

 

 

Spöter hend au d Sprützhüsliclique und d Technoschnägge gspillt und um das ganze abzschlüsse hend mir nomol en Uftritt ufs Parkett gleit. Kei ahnig eb de so guet gsi isch, eb bi eus öper en heimlichi Verehrerin im Publikum gha het oder was genau d umständ gsi sind...jedefalls isch zwüschedine plötzlich en BH in richtig Tambi gfloge. Aber wenn i so gnau überlegg chönnti au e Wett mit eme ehemalige Guggemitglied verantwortlich gsi si...

 

Wo sich das ganze so langsam beruhigt het, het sich euses Publicity-Team uf de Weg uf Wil gmacht. Wie immer sinds ned vill gsi aber de Partyzwerg und de Webmaster hend alles dra gleit, sämtlichi verblibendi Hotscheball-Flyer an Maa und ad Frau z bringe.

 

Do goht's zude Fotene vo dem Tag.

Share on Facebook
Share on Twitter
Please reload

Follow Us

I'm busy working on my blog posts. Watch this space!

Please reload

Search By Tags