© 2016 GSE

  • Facebook App Icon

Fasnacht 2020

Klicke auf das Bild um zur Gallerie des Events zu kommen.

Am 11.11.19 spielten wir in Ehrendingen und Gebenstorf.

Am 8. Februar sind mer wider Gaschtgeber vom Bockabig ufem Chiesplatz z Ehredinge gsi. Nün Guggene sind bi eus z Gascht gsi und hend Luscht uf Fasnacht gmacht.

Am 15.2. sind mer z Wettige am Chlapf gsi und nach me geile uftritt ide Löweschüür sind mer witerzoge uf Siglistorf wo d Technoschnägge zur Geburiparty iglade hend.

Natürlich sind mir ned mit leere Händ cho, für d Geburichind häts e Fläsche Schämpis geh.

So geg di foifi sind mer denn alli mal dehei gsi und freued eus jetzt uf de Schmudo :D

Wie immer het euse Schmudo am morge am 6i agfange. Witer gange isch es individuell z Luzern, ide Heimat oder suscht noimed. Zobig hend mer eus zum Schminkä troffä und sind denn uf Näfels und Oberurne.

Z Oberurne het de Präsi grad uf de Bühni d Glegeheit gha, sim Brüeder zum Geburi z gratuliere.

Am Fasnachtsfritig sind mer wider emol uf Bade go spile. Nach me Abstächer uf Egerkinge (langjährigi Fans kenned de Ort vode Guggeschwizermeisterschaft 2014) hend mir eus denn aber wie jedes Johr uf de Weg nach Unterendige an Maskeball gmacht. Wie gwohnt hemmer det e volli Hütte mit ere super Stimmig atroffe.

Am Samschtig het en Teil vo eus no es paar Stunde id Vorbereitig vom Hotscheball investiert bevor mer am halbi foifi gschminkt hend und uf Würelinge, Bade und Neuehof go spile sind. Z Neuehof hend mer d Technoschnägge atroffe und de obig mit ihne zäme usklinge loh - aber ned z lang, schliesslich hemmer am nächste Tag früeh uf müese.

De Fasnachtssunntig het für eus früeh und besunne agfange mit em Fasnachtsgottesdienst. Wär jetzt denkt, das sig sicher nüt für eus gsi chönnt ned falscher ligge. Mir hend freud gha, hend mer döfe mitwürke und so wies tönt het das au uf gegesitigkeit berueht.

Nacher isch es wie gwohnt witer uf würelinge gange, wo mer am Umzug mitgmacht und no paar Ständli geh hend.

Please reload